Nga raporti në Instagram: reklama jote perfekte, gati me Claude Code

Çfarë merr në fund

• Një reel organik 9:16 me zë në shqip dhe muzikë, për postimin e sotëm.
• Një video 4:5 për reklamë me pagesë në Facebook dhe Instagram, dhe një version foto të saj.
• Të njëjtin reel pa muzikë, që t'i vendosësh vetë një këngë në trend te Instagram-i.
• Kopertinën e reel-it.
• Një skedar teksti me caption-in, hashtag-ët, tekstin e reklamës dhe hapat për ta postuar.

Çfarë të duhet

• Linkun e raportit tënd. Të vjen me email, te butoni „Hap raportin“. Nëse s'e ke ende, merr demon falas: „Reklama jote perfekte“ është brenda, e plotë.
• Claude Code, me një llogari Claude me pagesë. E shkarkon te claude.com/claude-code dhe punon në Windows dhe Mac.
• Gjysmë ore deri në një orë. Claude punon vetë; ti vetëm lexon dhe pranon kur të kërkon leje.
• Nëse do: foto ose video të biznesit tënd, logon ose zërin tënd, në një dosje me emrin materiale.

Hap pas hapi

1. 1

   Hap raportin

   Hap linkun e veçantë të raportit dhe zbrit te seksioni „Reklama jote perfekte“.
2. 2

   Shtyp „Kopjo gjithë reklamën“

   Butoni kopjon gjithçka me një prekje: idenë, skenat, tekstin në ekran, zërin, tekstin e reklamës, muzikën, ngjyrat, audiencën dhe buxhetin.
3. 3

   Hap Claude Code në një dosje të re

   Krijo një dosje, p.sh. reklama-ime, dhe hap Claude Code aty. Shkruaj /model dhe zgjidh Opus 5.5.
4. 4

   Ngjit promptin dhe reklamën

   Kopjo promptin e gatshëm më poshtë dhe ngjite te Claude Code. Në fund të tij, në vend të rreshtit [NGJIT KËTU …], ngjit reklamën që kopjove te hapi 2. Shtyp Enter.
5. 5

   Lëre të punojë

   Claude ndërton skenat, regjistron zërin në shqip, krijon muzikën dhe i bashkon në video. Kur të kërkojë leje, p.sh. për të instaluar ffmpeg ose Node.js, lexoje dhe prano.
6. 6

   Shiko videot dhe kërko ndryshime

   Hap dosjen gati-per-postim. Nëse do diçka ndryshe, thuaja me fjalë të thjeshta: „zëri pak më ngadalë“, „titulli më i madh“, „hiq skenën e tretë“.
7. 7

   Posto

   Reel-in posto si postim të zakonshëm në Instagram (dhe Facebook). Videon 4:5 vendose te Meta Ads Manager me objektivin, audiencën, buxhetin dhe datën që të jep raporti. Hapat i ke edhe te skedari i tekstit.

Prompti i gatshëm

Kopjoje të gjithë me butonin. Rreshti i fundit është vendi ku ngjit reklamën nga raporti.

Je një studio e vogël reklamash për biznesin tim. Më poshtë është „Reklama jote perfekte“ nga raporti i Radarit (e kopjuar me butonin „Kopjo gjithë reklamën“). Ktheje në video gati për postim, nga fillimi deri në fund.

ÇFARË DUA (në dosjen „gati-per-postim“):
1. Reel organik 9:16 (1080×1920), 15–20 sekonda, me zë në shqip dhe muzikë. Fundi: „Linku në bio“.
2. Video për reklamë me pagesë 4:5 (1080×1350), me të njëjtat skena. Fundi të çojë te butoni i reklamës (p.sh. „Mëso më shumë ↓“).
3. Të njëjtin reel pa muzikë, vetëm me zë, që t'i vendos vetë një këngë në trend te Instagram-i.
4. Kopertinën e reel-it (PNG 9:16) dhe një version foto të reklamës (PNG 4:5).
5. Një skedar teksti në shqip me: tekstin e postimit organik me hashtag-ët; tekstin e reklamës (Primary text, Headline, Description, butoni); cilësimet për Meta Ads Manager (objektivi, audienca, interesat, vendet, buxheti, data e nisjes) siç janë në reklamë; dhe hapat e postimit, të shkruar thjesht.
Emërtoji skedarët me numra: 1-…, 2-…, 3-…

SI TA BËSH:
- Ndiq ideën, skenat, tekstin në ekran, zërin, ngjyrat dhe muzikën e reklamës. Mos shpik oferta, çmime, numra ose vlerësime që nuk janë në tekst.
- Ndërtoji skenat si animacion HTML (p.sh. me GSAP) dhe regjistroji në MP4 me Chrome pa dritare (puppeteer). Tekst i madh e i lexueshëm në telefon, brenda zonave të sigurta të Instagram-it, me lëvizje të buta dhe profesionale.
- Zëri: në shqip, me edge-tts dhe zërin sq-AL-AnilaNeural (femër) ose sq-AL-IlirNeural (mashkull), pak më shpejt se normalja (rreth +10%). Përshtat kohën e çdo skene me zërin, që asnjë fjali të mos pritet.
- Muzika dhe efektet: krijoji vetë, pa të drejta autori, që videoja të lejohet edhe në reklamë me pagesë. Zëri të dëgjohet qartë mbi muzikën; volumi përfundimtar rreth -14 LUFS.
- Nëse në dosjen „materiale“ ka foto, video, logo ose regjistrime të zërit tim, përdori ato.
- Nëse mungon ndonjë mjet (Node.js, Python, ffmpeg, Chrome), më thuaj çfarë do të instalosh dhe instaloje.
- Para se të mbarosh, nxirr disa kuadro nga çdo video dhe shikoji vetë: rregullo çdo tekst që del jashtë ekranit, mbivendoset ose lexohet keq.
- Në fund më trego listën e skedarëve dhe ku janë.

REKLAMA:
[NGJIT KËTU TEKSTIN NGA „KOPJO GJITHË REKLAMËN“]

Shembulli: Radari në Instagram

Postimet e Radarit në Instagram (@radari.site) u bënë pikërisht kështu: hapëm raportin, shtypëm „Kopjo gjithë reklamën“ dhe ia dhamë Claude Code-it. Pas rreth gjysmë ore kishim të dyja videot më poshtë, me zë, muzikë, kopertinë dhe tekstet për postim.

Bizneset në video (Kafe Zana e të tjera) janë fiktive, siç shkruhet edhe në video. Te reklama jote, Claude ndjek atë që shkruan raporti për biznesin tënd.

Para se ta postosh

• Lexo çdo fjalë. Claude ndjek reklamën, por biznesin e njeh ti: kontrollo çmimet, oraret dhe ofertat.
• Zëri është sintetik (zëri shqip i Microsoft-it). Nëse do zërin tënd, regjistro fjalitë me telefon, vendosi te materiale dhe kërkoji Claude-it t'i përdorë.
• Muzika: në reklamat me pagesë Meta nuk lejon këngë me të drejta autori, prandaj prompti kërkon muzikë të krijuar nga Claude. Një këngë në trend vendose vetëm te reel-i organik, nga vetë Instagram-i.
• Buxheti dhe audienca te raporti janë pikënisje, jo premtim rezultati. Nëse e ke Radarin me pagesë, shtyp „E publikova këtë reklamë“ te reklama, që Radari të mësojë nga rezultatet dhe reklama e javës tjetër të dalë më e mirë.